Will Ye No Come Back Again?
Bonnie Charlie's now awa',
Safely owre the friendly main;
Mony a heart will break i' twa,
Should he no' come back again.
Chorus:
Will ye no come back again?
Will ye no come back again?
Better lo'ed ye canna be,
Will ye no come back again?
Mony a traitor 'mange the isles
Brak the band o' nature's laws;
Mony a traitor wi' his wiles,
Sought to wear his life awa'.
Chorus
Many a gallant sodger gaught,
Mony a gallant chief did fa,
Death itself were dearly bought,
A' for Scotland's king and law.
Chorus
Whene'er I hear the blackbird sing,
Unto the evening sinking down,
Or merl that makes the wood to ring,
To me they hae nae other sound.
Chorus
Sweet the lav'rock's note and lang,
Lilting wildly up the glen;
And aye the o'erworld o' he sang,
"Will he no' come back again?"
Chorus