Tramps An' Hawkers
Oh come a' ye tramps an' hawkers an' gaitherers o' bla'
That tramps the country roon' an' roon' come listen ane and a'
I'll tell tae you a rovin' tale and sights that I have seen
Far up in to the snowy North and South by Gretna Green
I have seen the high Ben Nevis a-towerin' to the moon
I've been by Crieff and Callander an' roon' by bonnie Doune
And by the Nethy's silv'ry tides an' places ill tae ken
Far up into the snowy North lies Urquhart's bonnie glen
Aftimes I've lauched into mysel' when I'm trudgin' on the road
Wi' a bag o' bla' upon my back, my face as broon's a toad
Wi' lumps o' cakes an' tattie scones an' cheese an' braxy ham
Nae thinkin' whaur I'm comin' fae nor whaur I'm gaun tae gang
I'm happy in the summer time beneath the bricht blue sky
Nae thinkin' in the mornin' at nicht whaur I've tae lie
Barns or byres or anywhere or oot among the hay
And if the weather does permit I'm happy every day
Oh Loch Katrine and Loch Lomon' have a' been seen by me
The Dee, the Don, the Deveron that hurries into the sea
Dunrobin Castle, by the way, I nearly had forgot
An' any the rickles o' cairn marks the Hoose o' John o' Groat
I'm often roon' by Gallowa' or doon aboot Stranraer
Ma business leady me anywhere, sure I travel near an' far
I've got a rovin' notion there's nothing what I loss
An' a' my day's my daily fare and what'll pey my doss
I think I'll go tae Paddy's land, I'm makin' up my min'
For Scotland's greatly altered now, sure I canna raise the win'
But I will trust in Providence, if Providence will prove true
An' I will sing of Erin's Isle when I come back to you