The Shepherd and His Wife
The shepherd's wife cries o'er the lea:
"Come hame will ye, come hame wilI ye?"
The shepherd's wife cries o'er the lee:
"Come hame will ye again e'en, jo?"
"What will ye gie me to my supper,
Gin I come hame, gin I come hame?
What will ye gie me to my supper,
Gin I come hame again e'en, jo?"
"Ye's get a panfu' plumpin porridge
And butter in them, and butter in them,
Ye's get a panfu" plumpin porridge
An' ye'll come hame again e'en, jo!"
"Ha, ha, how! It's naething that dow,
I winna come hame, and I canna come hame!
Ha, ha, how! It's naething that dow,
I winna come hame again e'en, jo!"
"Ye's get a cock well totled i' the pot,
An ye'll come hame an ye'll come hame,
Ye's get a cock well totled i' the pot,
An ye'll come hame again e'en, jo!"
"Ha, ha, how! It's naething that dow,
I winna come hame, and I canna come hame!
Ha, ha, how! It's naething that dow,
I winna come hame again e'en, jo!"
"Ye's get a hen well boiled i' the pan,
An ye'll come hame and ye'll come hame,
Ye's get a hen well boiled i' the pan
An ye'll come hame again e'en, jo!"
"Ha, ha, how! It's naething that dow,
I winna come hame and I canna come hame,
Ha, ha, how! It's naething that dow,
I winna come hame again e'en, jo!"
"A well made bed and a pair of clean sheets
An ye'll come hame an ye'll come hame,
A well made bed and a pair of clean sheets,
An ye'll come hame again e'en jo!"
"Ha, ha, how! It's naething that dow,
I winna come hame and I canna come have,
Ha, ha, how! It's naething that dow
I winna come hame again e'en, jo!"
"A pair of white legs and a good cogg-wame,
An ye'll come liame, an ye'll come hame,
A pair of white legs and a good cogg-wame,
An ye'll come hame again e'en, jo!"
"Ha, ha, how! That's something that dow,
I will come hame I will come hame!
Ha, ha, how! That's something that dow,
I'll haste me hame again e'en, jo!"