O, That I Had Never Been Married
("Three Crowdys in a day" before 1694)
Second stanza by Robert Burns, remainder traditional
O, that I had ne'er been married,
I wad never had nae care;
Now I've gotten wife an' weans,
An' they cry 'crowdie' evermair.
Chorus:
Ance crowdie, twice crowdie,
Three times crowdie in a day;
Gin ye 'crowdie' onie mair,
Ye'll crowdie a' my meal away.
Waefu' want and hunger fley me,
Glow'rin by the hallan en':
Sair I fecht them at the door,
But ay I'm eerie they come ben.
Chorus