My Bonnie Moorhen
My bonnie moorhen, my bonnie moorhen
Up in the grey hills and doon by the glen
It's when ye gang butt the hoose when ye gang ben
I'll drink a health tae my bonnie moorhen
My bonnie moorhen's gane o'er the faim
And it will be simmer ere she comes again
But when she comes back again some folk will ken
And drink a toast tae my bonnie moorhen
My bonnie moorhen has feathers anew
And she's a' fine colours but nane o' them blue
She's red and she's white and she's green and she's grey
My bonnie moorhen come hither away
Come in by Glen Duich and doon by Glenshee
An' roun' by Kinclaven and hither tae me
For Ranald and Donald are oot on the fen
Tae brak the wing o' my bonnie moorhen
A Jacobite song: Ranald and Donald are red coat soldiers and the Prince
is the moorhen. The colours are those of the old Stuart tartan.