Lamachree and Megrum
When first I gaed to sair the fremt,
Lamachree and Megrum,
It was to Auchtiedoor I skeemt
Auld grey Megrum.
The Auld gude-wife smokes in the neuk,
Lamachree and Megrum,
A-orderin' at the throwither cook.
Auld grey Megrum.
The neist I gaed to Middlethird,
Lamachree and Megrum,
A better's nae abune the yird.
Auld grey Megrum.
I gaed ance to Middletack,
Lamachree and Megrum,
There I got meat to make me fat.
Auld grey Megrum.
I there got buttered breid and cheese,
Lamachree and Megrum,
And oil to keep my sheen in grease.
Auld grey Megrum.
I took a turn at Yokie's hill,
Lamachree and Megrum,
The teuchest place I e'er gaed till.
Auld grey Megrum.
A hurb to hash and haick the loons,
Lamachree and Megrum,
There's nae his like in Buchan's boun's.
Auld grey Megrum.