Gae To the Kye Wi' Me Johnny
Chorus:
O, gae to the kye wi' me, Johnny,
Gae to the kye wi' me,
O, gae to the kye wi' me, Johnny,
And I'll be merry wi' thee.
And was she na' worthy of kisses
And was she na' worthy of three,
And was she na' warthy of kisses
That gaed to the kye wi' me!
I hae a hoose a-biggin,
Anither that's like to fa',
I hae a lassie wi' bairn,
Which grieves me warst of a'.
But if she be wi' bairn
As I trow weel she be,
I have an auld mither at hame
Will doudle it on her knee.