Davie Gordon o' Kirkhill
Chorus:
Roy's wife of Aldivalloch,
Roy's wife of Aldivalloch,
Wat she how she cheated me,
As I came owre the Braes o' Balloch?
Davie Gordon o' Kirkhill
And Johnny Gordon o' Carshalloch;
Wat ye how she cheated me,
As we came owre the Braes o' Balloch?
As we went toddlin' roond the Buck
It's Roy cam' breengin through the Balloch;
Weary fa' the faithless quean,
She's on the road to Aldivalloch.
As we went oot ayont the Buck,
It's she came in aboot the Balloch;
Roy's piper he was playin'
'She's welcome hame to Aldivalloch'.
Though ye would ca' the Cabrach wide,
Frae Ordieton unto the Balloch,
Ye wadna get sic a strappin' quean
As Roy's wife of Aldivalloch.